Nel Oduber

Conteo,verificacion,interpretacion y jurisdiccion pa eleccion.
E proceso electoral di Aruba ta uno probadamente confiabel cu ta garantiza den e legislacion y legalizacion di cuidadania den e registro electoral,secrecia di voto, supervision pa un comision di urna electoral cu ta conta e votonan y ta certifica e resultado di cada urna y ta entrega esakinan na censo (buro bevolking) - cu ta ricibi nan den nomber di Conseho Supremo Electoral- Na censo e ambtenaarnan ta verifica hunto cu Conseho Supremo Electoral e conteo y ta haci e reconteo necesario pa suma y comproba e resultado duna pa e urnanan electoral, tur esaki cu tur publicidad obligatorio pa ley y precensia di testigonan pa cada partido cu ta liber pa haci esey. Den ultimo instancia ta parlamento mes ta bira e huez supremo y unico autoridad pa aproba o no aproba e nombramento di e parlamentarionan di acuerdo cu e interpretacion di e resultado di acuerdo cu ley.

E resultadonan di eleccion.
E numbernan ta conoci y p’ami cu a pasa henter anoochi ta mira e miembronan di un stemburo conta e votonan e confiansa den e stemburo no por wordu poni na duda apesar ta posibel cu den transcription di lo verbal pa e diferente actanan cu ta forma parti di e procesverbaal di e stemburo na final un fout por wordu haci.
A conta e stembiljetten,e votonan,y e votonan invalido y e resultado pa e urna.
Sinembargo e checkernan di e partidonan cu ta voluntario na hopi urna no a keda y warda e conteo individual y e resultado definitivo.Ami si a haci esey como simple votador y testigo cu a compronde cu e voluntarionan di su partido ya tabata hopi cansa.E cansancio di e miembronan di e stemburo tabata otro motibo pa mi mustra mi solidaridad cu nan den nomber di mi partido y por si acaso mustra sospecho pa evita cu na ultimo momento cosnan por bira otro.
Asina mi a constata cu demasiado voto di MEP tabata invalido, sea pa ignorancia, descuido o otro cosnan imaginario.Mi presencia a obedece tambe e precaucion pa na ultimo ora engaño o crimen no bira un factor pa e resultado.
Mi a keda te ora a empaqueta tur cos pa manda pa Censo.
Na Censo a cuadra e numbernan y foutnan ta wordu drecha pa suma y verifica e resultado final.
Solamente di urna no.5 a wordu rumora cu e votonan individual no a wordu haci y ta Censo e ora ey mester a caba di finaliza e conteo den Conseho Supremo electoral.
Den medionan di prensa e dia despues mi a lesa e resultadonan.
51232 hende a vota. Pa hanja un asiento e partido mester a hanja 2439 voto.
MEP 22007 AVP16708 MPA 3614 RED 3306
MEP 11 asiento AVP 8 asiento MPA 1 asiento RED 1 asiento
DR,PPA,Aliansa,PPT ni OLA a logra hanja asiento
Segun mi calculo DR tabata tin mester 123 voto pa alcanza 2439 rekeri pa 1 asiento. Sin asiento anto DR no tabata tin ningun derecho pa exigi un restzetel.
Esey no ta kita cu ta admirabel cu e partido DR no a keda keto y a indaga mas leuw y a presenta hunto cu un grupo di activistanan di AVP y OLA pa e conteo final na e conteo final di Conseho Supremo Electoral na Censo cu a dicidi cu ta reconta e urnanan 2 , 4 y 5.Tambe a papia cu e potloodnan a mancha sin mester.
Pa curiosidad 12 or di merdia diarazon mi a bai precencia hunto cu otro sympathisantenan di MEP e desorden cu a cuminsa bira notabel te hasta na radio y cu a pone hopi hende nervioso y otronan a cuminsa soña lanta pafor.
Aunque ta promer biaha mi ta asisti na un evento asina mi a compronde for di e sclamacion repiti te na cansancio di e miembronan di e Conseho Electoral Supremo mes cu solamente den e tres stemburonan aki tabata tin un tiki duda.
Y ora a habri e urnanan 2 y 5 segun mi a comrponde unicamente MEP , AVP y RED a perde 2,1 y 1 votonan cu a wordu desqualifica y declara invalido. DR cu tabata e partido mas interesa no a hanja ningun v oto mas di manera cu ni si nan sigui descualifica te hasta 1000 voto di MEP e resultado no ta cambia.DR ta keda 0.
E keho frequente cu famianan a vota na e urna pero e candidato no a hanja e votonan hopi biaha ta debi cu e secrecia di voto ta protehe te hasta famianan for di nan mes famia.Tambe mi sa y mi a wordu aserca pa hopi familiarnan di otro partido cu ta bisami cu nan no ta vota pa e ladron di nan famia cu a hanja hamber pa poder,loco of ta rabia cu e no por hanja su kier cu MEP.Enfin den nos famia nos no ta tuma ningun famia na malo cu e ta vota pa su famia of no.Nos mester respeta e secrecia di voto y asumi cu por ta e fout ta sinta den trahamento di e procesverbaal y e famia no por wordu culpa pesey.Si bo kier a sa cu siguridad anto bo mester a para waak e conteo individual na e stemburo.Ainda ta posibel corregi eseynan, pero e no ta bai afecta e resultado final di ningun manera. Ta imposibel cambia un voto, pero ta facil invalida nan. Pa invalida 1000 ta dificil.
Francamente mi ta duda seriamente cu esey lo por pasa den mi prescencia.
E hendenan cu a para den stembureau ta hendenan conoci den comunidad y a haci nan den vista di tur hende cu tabata kier a mira.No por asumi cu tur hunto ta torpe of di mala fe.No caminda ami tabata ta en todo caso.
Asina ta e resultado ta definitivo y final.
Awor ta keda unicamente na jurisdiction di parlamento como huez supremo y autoridad maximo y final den e caso aki pa aproba e eleccion y nombra e miembronan nobo di Staten van Aruba.
Mi ta satisfecho cu tur cos a bai bon.

Un testigo interesa pa mantene e calidad electoral di Aruba.

Tin hende ta kere cu hiba un campanja riba lomba di e pober lo hibanan den gobierno. No usa e palabra pober si bo mes no sa kiko e ta. 7 anja largo bo no a haci nada pa ningun hende. Awor bo ta bin jama nos hendenan , hendenan pober. Hasta bobo bo ta jamanan. Corda cu ainda e pueblo ta corda bosa actonan di ladronicia; Radar , Aeropuerto Beatrice, Radison, Plan di desaryo @ San Nicolaas y otronan. Awor nan ta bini cu plan@(aroba) San Nicolaas. E Signo @ (aroba) ta pa indica un prijs of algo. Pero te awe e plan @ .... no ta conoci y si den caso nan bini cu ne ainda e lo keda algo scondi.

Nel un lider cu ta weita mas lew cu otronan. E campanja ta un refleho di su acsion y trabaonan. Promesanan falso no ta su meta pero cosnan concreteo cu por juda Abo y Aruba ta importante.

Hopi ta kere pasobra nan tin un medio, ta duna nan e derecho di hasta ataca ora un inocente ta hanja un atencion. Rara ta ken esaki :)